The Charles Sobhraj (in hindi& hinglish)

Kaun Tha Charles Sobhraj?

Yeh kahani 1970s ke time ki hai, us time par Asia ghumne ke liye logo ki ek achi destination maani jaati hai. Europe aur America se log aate aur Nepal, Thailand, India jaisi jagah par ghumte the, ab log apni trip enjoy karne aate.

But unko nahi pata tha waha par unka wait ek aisa insaan karta tha jo dikhne mein toh sirf lagta tha, lekin uske is nakli chehre ke piche bahut kuch chhupa hota tha. Uska naam tha Charles Sobhraj.

Aap log soch rahe honge ki yeh kaun hai, yeh toh koi gangster hoga, logo ko darata hoga, toh main aapko pehle hi bata doon, nahi toh woh koi gangster nahi tha, nahi woh logo ko darata tha. Bas Charles ki baat yeh thi, woh logo ka bharosa jeet leta tha apni baaton se.

Logo ko bhi yahi lagta tha kyunki dikhne mein smart aur well-educated person tha, logo ki help karta aur unke saath achhe relation banata, aur bas log yahin par phas jaate the. Yeh case itna zyada highlight hua ki media ne bhi cover kiya tha, aur media ne naam bhi diya tha, The Serpent aur The Bikini Killer. Aaj bhi Charles Sobhraj ka naam duniya ke mashhoor true crime cases mein liya jata hai.

Bachpan Aur Shuruaat

Charles Sobhraj ka birth 6 April 1944 mein Vietnam ke Saigon mein hua tha, jisko ab (Ho Chi Minh City) ke naam se bola jata hai. Uske father Indian the aur mother Vietnamese thi.

Kuch time baad dono ne divorce ke baad uski maa ne ek French Army officer se shaadi ki, aur Charles aur uski mummy dono France chale gaye. Bachpan se hi uski life mein stability nahi thi, baar-baar ghar badalte rehna, culture badalna, phir usi personality mein rehna, toh bande ki life par asar aa hi jata hai.

Bachpan se hi maana jata hai Charles study mein kaafi achha tha, but uska dhyan padhai se zyada logo ko manipulate karne mein zyada use hota tha. Jaise har ladke ki ichha hoti hai ki woh luxury life jiye, waise hi Charles ki bhi thi, but uske paas itne paise nahi the jisse woh apni farmaishein pura kar sakte. Is liye Charles ne apni zaroorat ko pura karne ke liye choti-moti chori aur fraud karna shuru kar diya.

Uski impressive personality ki wajah se log bina zyada soche uspar bharosa kar lete the. Trust jeetne ke baad woh unhe kisi bahane se medicine ya drink deta, jisse unko chakkar aane lagte the.

Asia Mein Scam Ki Shuruaat

Logo ne France mein uske khilaf case bhi likhwaaye, lekin uske liye yeh ab normal tha, jail jaana, phir kuch time baad bahar aa jaana. In sab ke baad Charles ne decide hi kar liya tha ki usko life mein fraud aur chori hi karni hai.

1970s ki starting mein Charles ne Asia jaane ka decide kiya. Asia aane ka reason bas ek hi tha, tourists, kyunki us time par Nepal, India, Thailand jaisi jagah par foreigners bahut aate the kyunki Asia zyada sasta padta tha unki khud ki country se.

Charles ne isi cheez ko dekha aur apna sabse bada scam karne ka rasta bana liya. Woh tourist areas mein jaakar foreigners se baat karta. Kabhi apne aap ko businessman batata, kabhi jeweller aur kabhi travel expert.

Charles Ka Manipulation Ka Tarika

Kai baar toh aisa bhi hota tha woh logo ko khud bolta ki agar tumhare paas rukne ke liye hotel nahi ya paise nahi hai zyada, toh mere saath ruk jao. Woh logo ko khaana khilata aur unko travel advice deta, aur log maan lete. Bas yahi uske plan ka pehla step hota rehta tha, logo ka bharosa jeetna.

Charles ki ek achhi baat thi, woh kabhi bhi jaldbaazi nahi karta tha, pehle woh unka trust jeetta, phir unki personal information jaan leta tha khud unse hi. Uske baad woh unko kisi bhi bahane se koi medicine ya drink deta, jisse unko achanak chakkar aane lagte the.

Hosh mein na rehne par woh unke passport, cash aur zaroori cheezein leke gayab ho jata tha. Kai log bach kar police ke paas jaate the aur police unki help karti thi unke ghar jaane tak, aur jo police station tak bhi nahi pahunch paaye, woh kabhi apne ghar gaye hi nahi.

Ab yeh kaam bahut tezi se phail raha tha, jiski wajah se unka shak badhta gaya, aur alag-alag desh mein ho raha tha, toh police ko shak hua ki yeh koi alag-alag crime nahi balki kisi ek aadmi ka hi kaam hai. Lekin us waqt kisi ke paas uska asli naam, asli identity ya pakka koi saboot nahi tha.

Charles ki sabse badi strength thi uski fake identities. Woh fake ID banata aur unko use karta, woh kabhi French businessman ban jata, kabhi diamond dealer, kabhi tourist guide, kabhi kisi embassy se connected hone ka jhooth bolta. Uske paas alag-alag naamon se passports aur documents hote the. Isi wajah se police ko har baar lagta ki woh koi aur aadmi hai. Police kisi ek desh mein uski investigation karti thi, us itne time mein toh woh dusre desh pahunch jata tha. Us time countries ke beech information share karna aaj jitna fast nahi tha. Isi wajah se woh saalon tak authorities se bachta raha.

India Mein Giraftari

Police ko pehli baar pattern samajh mein tab aaya jab achanak se Thailand mein kuch foreign tourists laapata hone lage. Kuch cases mein toh unidentified bodies milin, jo log bach jaate the, woh investigation mein bas ek hi baat bolte the uske baare mein, ek smart sa aadmi hai, bilkul polite tarike se English mein baat karta tha. Phir case din par din badhne lage the, toh investigators ko laga iske piche ek organized criminal ho sakta hai. Yahi se Charles Sobhraj ke khilaaf sabse badi investigation ki shuruaat hui.

Lekin us waqt tak Charles phir se gayab ho chuka tha. Police ke paas naam hi alag the, bas aur description thodi bahut badalti thi, lekin dhire-dhire investigators ko lagne laga tha ki yeh ek hi aadmi ka kaam hai. Charles ko pakadna aasan toh nahi tha, lekin investigators ne apni investigation aur tez si karna shuru kiya. Unhone alag deshon ke missing persons records, passport details aur witness statements ko jodna shuru kiya.

Jaise-jaise unke doubt clear hote gaye, waise bas unke saamne ek hi naam aaya, Charles Sobhraj. Ab usne Thailand aur Nepal ke baad India ko chuna aur woh India aa gaya. Us time India bhi foreign backpackers ke liye ek popular destination thi, jaise Delhi, Goa jaisi jagah par roz hazaron tourists travel karte the.

Charles ne yahan par bhi wahi purana tarika apnaya, jaise friendly behaviour, expensive kapde, confident personality, lekin uska yeh tarika India mein zyada din nahi chal paaya. Yeh baat 1976 ki hai, us time Delhi ke ek hotel mein kuch tourist achanak bimaar pad gaye. Phir unka jab medical test hua, toh usme mila ki unki drink mein kuch aisi cheezein mili thi jisse unki tabiyat achanak kharab ho gayi, aur woh toh achhi baat thi ki us time par sab logo ki jaan bach gayi thi, warna woh dawai kha kar kuch log mar bhi jaate the.

Is accident ke baad police ko turant shak hua ki yeh koi normal incident nahi hai. Police ne turant investigation shuru ki. Witnesses ne jis aadmi ka description diya, woh Charles Sobhraj se milta tha. Is baar police ne jaldi action liya. Itna sab hone ke baad Charles ko Delhi mein giraftar kar liya. Ab finally jisko itne saal se police dhoondh rahi thi, woh unke saamne hi tha.

Tihar Jail Se Bhagna

Phir uske baad jab police ne usse poochtaach ki aur usse sawal jawab kiya gaya, toh woh bilkul shaant rehta hai, kabhi-kabhi muskurata, kabhi investigators se mazak karta, aur kabhi unko aise jawab deta jaise ki usko kisi baat ki chinta hi na ho. Uska yeh confidence dekh kar kai officers bhi hairaan the. Usne kabhi bhi apne cards itni aasani se reveal nahi kiye.

Isi wajah se uske khilaaf har case ko legally prove karna mushkil tha. Aur jaise hi uski giraftari ki news bahar aayi, turant newspapers aur TV channels ne is case ko headline bana diya. Log jaanna chahte the ki aakhir yeh aadmi hai kaun, kaisa dikhta hai, iska real name kya hai, kya yehi woh Charles hai jisne kayi logo ke saath scam kiya hai. Media ne usko uski personality ke hisaab se naam bhi diya tha, The Serpent. Phir yeh uska naam dheere-dheere duniya bhar mein famous ho gaya.

Charles ko Delhi ki Tihar Jail mein bhej diya. Usne jail ke andar bhi apni planning aur logo ko manipulate karna band nahi kiya. Authorities ko lag raha tha ki woh ab control mein hai. Lekin uske dimaag mein kuch aur hi baat thi. Kuch saal ke baad usne kuch aisa kaam kiya jisse poora India shock ho gaya tha.

Yeh baat 1986 ki hai, ek report ke hisaab se Charles ne jail ke staff aur kuch qaidiyon ko nashili cheez milayi hui mithai khilayi aur jail se bhaag gaya. Ab yeh aaj tak nahi pata ki uske paas woh nashili cheez jail mein aayi kahan se. Yeh case bahut din tak logo ke beech raha. Isi cheez ko dekhte hue police ne usse dobara se pakad liya.

Charles ne apni saza India mein poori ki, phir usko iske baad India se France deport kar diya gaya. Lekin woh media se door raha. Lekin Charles ka naam poori duniya bhar mein true crime experts mein aa gaya tha. Kayi logo ne uska interview bhi liya, usme woh apni image theek karne ke baare mein hi logo se baat karta tha, jaise aisa lagta tha jaise woh apne interview mein abhi bhi logo ko manipulate karne ki koshish karta ho, apni achhi image banane ke liye.

Nepal Mein Dobara Giraftari

2003 mein sabse hairaan kar dene wali baat hui. Charles Sobhraj wapas Nepal pahunch gaya. Us waqt Nepal mein uske khilaaf purane murder cases chal rahe the, aur authorities ne use pehchaan liya aur Kathmandu mein giraftar kar liya. Is baar bhi woh nahi bach saka.

Nepal ki court ne purane case ki wajah se doshi thehraya aur lambe time ki jail ki saza sunayi. Kayi saalon tak woh Nepal ki jail mein raha. 2022 mein Nepal ki Supreme Court ne uski umar ko dekhte hue use rihaa karne ka faisla diya. Rihaai ke baad usko phir se France bhej diya.

Charles Sobhraj Itna Mashhoor Kyun Hua?

Charles Sobhraj ka case sirf isliye famous nahi hua kyunki uspar kayi serious crimes ke case the, case isliye bhi famous hua tha kyunki woh ek fake identities ka expert tha. Woh logo ka bharosa jeetne mein bhi mahir tha. Woh kayi baar kanoon se bach nikalne mein safal hota tha, jiski wajah se kayi deshon ki police ko milkar is case ki investigation bhi karni padi thi. Aaj bhi Charles Sobhraj ke naam par books, documentaries aur TV series ban chuki hain. Isi wajah se use 20th century ke sabse notorious conmen aur serial crime suspects mein gina jata hai.

Is Case Se Kya Seekhne Ko Milta Hai?

Charles Sobhraj ka case sirf ek crime story nahi hai, balki is story se hamko yeh seekhne ko milta hai ki kisi anjaan insaan par uski language aur personality dekh kar kabhi bharosa nahi karna chahiye, nahi apni koi personal cheez uske saath share karni chahiye, kyunki travel karte waqt apni personal information, passport aur documents ki security bahut zaroori hoti hai.

Aaj bhi jab 1970s ke Asia ke unsolved aur high-profile crime cases ki baat hoti hai, Charles Sobhraj ka naam sabse pehle liya jata hai.

Yeh article publicly available news reports aur historical records par aadharit hai.