LAST RIDE

 LAST RIDE — Cab No. KA -09 7643

Agar aapko real horror stories pasand hain, especially late-night cab horror stories, toh yeh story aapko end tak baandh ke rakhegi. Yeh meri khud ki real experience hai jo main aaj tak nahi bhool paya.

Mera naam Rohan hai. Age 27 saal. Main ek IT company mein job karta hoon jo Bangalore mein hai.

Yeh story meri khud ki hai. Jo maine us raat dekha, woh main aaj bhi bhool nahi paya. Aur kabhi kabhi jab raat ko woh sab yaad aata hai, toh meri neend bhi udd jaati hai.

Yeh baat 2024 ki hai, aur shayad December month ki. Date toh mujhe yaad nahi hai. Us din office mein kaam ki wajah se late ho gaya tha. Lagbhag raat hi ho gayi thi. Subah client ko presentation thi, isliye bas woh hi finish kar raha tha.

Presentation finish karke main jab office se bahar nikla, toh baarish shuru ho rahi thi. Us din kya hua, mere phone mein charging nahi thi aur bahar baarish bhi ho rahi thi. Is wajah se maine jaldi jaldi mein ek local cab hi le li. Online cab book karne ke liye mere phone mein charging hi nahi thi.

Sabse badi baat toh yeh hai ki mujhe aaj bhi cab ka number, cab owner ka naam aur yahan tak ki cab ki sab details yaad hain ki woh kaisi dikhti thi.

Cab No. KA -09 7643

Ek purani si Ertiga car aur uske andar se agarbatti ki smell aa rahi thi. Owner ka naam tha Salim. Age kam se kam 50-55 hogi.

Fhir aise hi thodi si door chale toh maine unko hello bola. Unhone bas haath hilaya.

Unhone baat karne mein zyada interest nahi dikhaya, toh maine apne headphones laga liye aur music sunne laga.

Raat zyada ho gayi thi, toh maine unse time poocha. Unhone bataya ki 2:00 baj gaye hain.Maine window se bahar ki side dekha. Toh baarish tez ho rahi thi. Road bilkul khaali thi. Bas road par jo lamp posts hote hain, unki hi roshni thi.

Tabhi Kuch Ajeeb Hua

Kyunki mere ghar ka jo rasta tha, woh straight tha. But driver ne right turn liya.

Fhir maine unse poocha ki yeh mere ghar ka rasta nahi hai. Ghar ka rasta toh straight jaata hai. Unhone mujhe bola ki, Saab, shortcut hai. Us road par baarish ki wajah se ped gir gaye hain aur jam lag gaya hai.

Maine unki baat maan toh li, magar mujhe darr lagne laga tha. Mere mann mein ulte seedhe khayal aane lage the. Matlab overall overthinking hone lagi.

Road ke dono side warehouses the jo raat ki wajah se band the. Koi streetlight nahi thi. Bas cab ki headlights hi jal rahi thi.

Aur tabhi cab ruk gayi.

Maine poocha Kya hua bhai, cab kyun rok di

Driver ne bola Engine thoda garam ho gaya hai. Bas 2 minute ke liye ruki hai

Woh Kaala Bag

Tabhi maine kuch notice kiya.

Cab ki peeche wali seat jis par main baitha tha, uske neeche kuch tha. Ek kaala bag. Aur woh ek side se khula hua tha. Aur us corner se ek aurat ka dupatta bahar nikal raha tha.

Maine itna dhyan nahi diya, but kuch time baad main jaise usko ignore karne ke baare mein soch raha tha, tabhi mera dil aur tez tez dhadakne laga.

Maine window se dekha driver bonnet ke paas kuch kar raha tha. Aur uski peeth meri taraf thi.

Aur fhir mujhse ruka nahi gaya, toh maine dheere se us bag ko thoda aur khola.

Andar ek aurat ki chunni aur ek toota hua kangan tha. Ek phone bhi tha jiski lock screen par ek photo thi. Ek aurat thi aur do bachche

Main soch mein pad gaya tha ki yeh kisi aurat ka samaan yahan par kaise?

Tabhi driver aaya aur mujhe bola ki sab engine theek ho gaya hai, chalte hain.

Maine bag wapas seedha kar diya. Normal baith gaya.

Haan bhai, chaliye.

Woh Message

Cab start hui aur main andar hi andar soch raha tha ki is bag ke baare mein poochun ya chup rahun.

Lekin ek cheez mujhe rok rahi thi.

Jab driver bahar gaya tha bonnet kholne toh maine unke phone par ek message dekha tha

Kaam ho gaya kya Woh mili?

Main ab bilkul silent tha. Bas yahi soch raha tha ki kya tha.

Fhir maine power button par long press kiya aur Emergency SOS mode on kar liya. Jo bhi ho, ek click mein police ke paas call chali jayegi.

Driver ne ek aur turn liya.

Maine tabhi usse poocha Tum yeh kahan ja rahe ho Yeh rasta mere ghar ki taraf nahi jaata. Yeh road galat hai.

Driver ne mirror mein dekha aur is baar unhone kuch bola nahi. Bas aankhen dikhayi.

Fhir 5 minute baad bola Saab shortcut hai. Jaldi pahunch jayenge.

Fhir maine usko bola, "Bhai, tum yahin rok do. Main yahin se chala jaunga. Mujhe aur aage nahi jaana."

Us din 5 second bhi 5 saal jaisa lag raha tha.

Salim dheere se hansa aur bola Saab aap bahut sochte ho. Yeh industrial area hai. Yahan se road loop hai. Directly aapke ghar ke paas nikalta hai. Google Maps par nahi hai kyunki yeh new road hai."

Maine bahar dekha. Aur sach mein ek signboard tha:

Whitefield Loop Road — New Construction 2024.

Aur tabhi 4 minute mein meri building dikh gayi.

Driver ne muskurate hue kaha Saab, aapka ghar aa gaya.

Main utara. Maine payment ki. Jaate jaate ek baar peeche dekha.

Driver wahan se ja chuka tha aur bas baarish ho rahi thi.

Agli Subah — Newspaper

Agli subah maine newspaper mein ek article dekha. 11 din purana.

Late-night hit and run case mein ek cab driver, naam Salim Shaikh. Cab No. KA- 09 7743, car Maruti Suzuki company ki.

Aur us accident mein cab ne divider nahi, ek aurat ko takkar maari thi. Jisse us aurat ki maut ho gayi thi. Saath mein us cab driver ki bhi pehchaan abhi tak nahi hui thi.

Aurat ke paas sirf ek laal dupatta aur toota hua kangan mila tha.

Main yeh article dekh kar darr gaya. Mujhe wohi bag, wohi laal dupatta aur wohi kangan — sab kal wala yaad aane laga.

Kyunki Salim bhai aur woh aurat toh dono 11 din pehle hi mar chuke the.

Toh Us Raat Cab Mein Kaun Tha

Aur main us raat cab mein kis ke saath aaya Yeh baat main aaj bhi nahi jaanta.

Bas itna pata hai ki us raat mere phone ki Emergency SOS history mein ek entry thi, jo maine kabhi press nahi ki thi.

Location Industrial Area  Whitefield.

Time: 2:04 AM.

Call Duration: 0 Seconds.

Kisi ne meri taraf se dial kiya tha.