Last Seen: 11:58 PM
Last Seen: 11:58 PM — Woh Jo Ek Saal Pehle Mar Gaya Tha, Usne Kal Raat Message Kiya | Dark Romance Mystery Story
Ek emotional Dark Romance Mystery story jahan Naina ko uske ek saal pehle mar gaye boyfriend Rehaan ke number se WhatsApp message aata hai. Pyaar, guilt aur ek dil tod dene wala sach.
Dark Romance Story, Mystery Story in Hinglish, WhatsApp Horror Story, Emotional Love Story, Rehaan and Naina Story, Dark Love Story, Hindi Mystery Story, Hinglish Story
✦ Dark Romance · Mystery ·
Last Seen: 11:58 PM
Woh jo ek saal pehle mar gaya tha, usne kal raat message kiya.
Yeh story Naina naam ki ladki ki hai jo meri hi friend thi. Usne yeh baat mujhe rote rote batayi thi.
Ek baar uske saath kiya hua tha — Naina ka boyfriend tha Rehaan, jiska accident ho gaya tha. Aur Naina ko ache se yaad hai, woh khud Rehaan ki qabar par phool chadha kar aayi thi. Toh woh normal hi raat ko aise hi apna phone use kar rahi thi, tabhi uske WhatsApp par ek message aata hai Rehaan ke number se. Message dekhte hi uske haath kanp gaye.
Message mein likha tha:
Rehaan 🖤
Kal raat
Naina. Mujhe maaf kar dena.
Main jaanta hoon tu sochti hai ki main mar gaya hoon. Lekin main zinda hoon. Tujhse milne aaj toh nahi aa sakta, lekin hum kal usi jagah milenge.
---
Naina ne apna phone ek baar refresh karke on kiya. Phir message dekha toh same naam tha jo usne khud apne phone mein Rehaan ke naam se save kiya tha. Aur message bhi wohi tha. Kyunki pehle usko laga ki koi prank kar raha hai, but yeh koi prank nahi tha — sach mein woh message Rehaan ke number se hi aaya tha.
Message Aane Se Ek Saal Pehle
Rehaan aur Naina ek dusre se teen saal se pyaar karte the. Woh waali love story nahi thi jo Instagram pe perfect lagti hai. Unki story toh woh waali thi jo messy hoti hai, jo ek dusre se arguments karte hai. Rehaan photographer tha, Naina ek writer. Dono ek hi city mein rehte the, ek hi coffee shop par milte the. Dono ek dusre ke saath future dekhte the.
Phir ek raat — Rehaan ne Naina ke paas call ki, but usne cut kar di. Naina us time kisi aur se baat kar rahi thi. Is baat ke liye toh Naina ko aaj bhi lagta hai ki us din usko woh call utha leni chahiye thi. Aaj bhi woh is baat ko apni galti maanti hai.
Aadhe ghante baad — police ka call aaya. Rehaan ka accident ho gaya, ek truck ne usse takar maar di aur uski on the spot death ho gayi. Aur yeh baat usi waqt ki hai jab Rehaan Naina se milne aa raha tha, kyunki yeh wohi raod thi jo Rehaan aur Naina ke ghar ke beech mein thi. Woh shayad Naina ko kuch surprise dene ya kuch bolne ke liye aa raha tha — ya shayad maafi maangne.
Phir Naina ne police ko bola ki Rehaan ne uske paas call ki thi but usne cut kar di. Yeh shayad uski zindagi ka sabse bada guilt tha.
---
Agli Subah
Naina ne message ka screenshot liya aur apni best friend Zara ke paas send kiya. Zara ne bola — "Yaad delete kar de, kissi ne shayad phone hack kar liya. Aur yaar, mujhe tere liye darr lag raha hai."
Lekin Naina ne message delete nahi kiya. Kyunki ek line thi message mein aisi jo bas Rehaan aur Naina ko hi pata thi — koi hacker nahi likh sakta tha. Wohi jagah, wohi waqt. Yeh line in dono ke beech ek secret thi. City ke upar ek purana water tank hai, jahan pehli baar Rehaan ne Naina ko "I love you" bola tha. Us jagah ke baare mein koi aur nahi jaanta tha — koi bhi nahi.
📍
Google Maps — Saved Location
Humari Jagah — Last visited: 14 months ago by Rehaan
Shaam ke 6 baje Naina wahan pahunchi. Dheere dheere uske dil ki dhadkan tez ho rahi thi. Usne dekha — wahan koi nahi tha. Sirf hawa chal rahi thi aur city ki lights jal rahi thi.
Phir kuch der baad Naina ki nazar ek patthar par gayi. Uske neeche ek photo thi — Naina ki, jo khud Rehaan ne click ki thi. Aur us photo ke peeche kuch likha hua tha:
"Agar main kabhi nahi raha toh jaana ki main yahan tumhare peeche hi tha — bas tumhare liye."
Naina ne woh photo li aur neeche utri. Uski aankhon mein bas aansu the.
Jab Naina apne ghar pahunchi toh already Zara uske ghar par hi thi. Aur Zara ke saath koi aur bhi tha — Rehaan ka bhai. Yeh baat Naina ko Zara ne dheere se bataya. Naina ne kabhi usse nahi dekha tha, uske baare mein Rehaan ne kabhi Naina ko nahi bataya tha
Sach Ka Khulasa
Rehaan ka bhai — Kabir — ne seedha Naina ki taraf dekha aur bola:
"Woh message maine bheja tha, Rehaan ke phone se. Main jaanta hoon yeh galat hai. Lekin mujhe tumse milna tha."
"Rehaan ne apni diary mein tumhara naam 47 baar likha hai. Aur uska last message bas yeh tha — agar kal main nahi raha toh Naina ko ek baat bata dena, jo main kabhi nahi bol saka."
Kabir ne apni jacket se woh paper nikala aur Naina ko de diya. Naina ne tabhi woh handwriting pehchaan li — kyunki woh khud bhi ek writer thi.
Usme do paragraph the.
Pehla paragraph — Rehaan ne likha tha ki woh jaanta hai Naina kisi aur se baat kar rahi thi. Accidentally Naina ke phone par usne ek message dekh liya tha. Lekin uske baad bhi woh usse milne aaya — aur usse kehna chahta tha ki "main yeh sab theek kar dunga." Woh sirf maafi maangne nahi aaya tha. Woh bas Naina ke saath rehna chahta tha.
Doosra paragraph sirf ek line thi:
"Main tujhse itna pyaar karta hoon ki teri galti bhi mujhe meri galti lagti hai. Aur main nahi chahta tha ki tu poori zindagi mujhe miss kare. Naina — please aage badh jaao."
---
Yeh sunke Naina toot si gayi thi.
Kuch rishtey aise bhi hote hain jo kabhi khatam nahi hote.
The End
Comments
Post a Comment