The Dead Influencer

The Dead Influencer's DM: Ek Instagram Message Jo Maut Ke Baad Aaya

The Rivalry That Ruled Instagram

Meera ek 21 saal ki lifestyle influencer thi. daily vlogs trending reels aur luxury brand collaborations ki wajah se uske Instagram par 500,000 se zyada followers the. Har post par hazaron comments aana aur internet ki duniya mein uska naam tezi se badh raha tha.

Lekin social media ki life ke peeche ek real life bhi thi jisme uski rivalry bhi chal rahi thi.

Meera ki sabse badi competitor Ananya thi. Dono influencers ek hi audience ko target karti thi indirect roast videos kabhi sarcastic comments aur kabhi brand collaborations ko lekar online drama. Dono ki rivalry internet par kisi secret baat ki tarah nahi balki public entertainment ban chuki thi

Phir ek din sab kuch badal gaya.

Ananya ek car accident mein mar gayi

Police ne ise normal accident mana aur case band kar diya. Do hafte ke andar internet ne bhi Ananya ko bhula gya Uske followers dheere-dheere Meera ke account par aane lage Meera ke views aur followers pehle se bhi zyada ho gye.

Sab kuch perfect hune lag raha tha.

Meera ko aisa hi lag raha tha

12:00 AM – The Message From The Dead

Ek raat 12 baje Meera apne bed par letkar reels scroll kar rahi thi

Kamre mein sirf phone ki roshni aur ek blue LED light jal rahi thi Tabhi uske phone par Instagram notification aaya

Notification dekhte hi uska dil ruk gya.

Username tha:

@ananya_unfiltered

Ananya ka account.

Wohi account ka jiski do hafte pehle ek car accident me death ho gae thi.

Message tha:

Babe's tumhara naya vlog toh mast hai. Waise background mein jo chal raha hai uspar dhyan do

Meera ka gala sookh gaya.

Usne reply kiya

Who are you ye bilkul funny nahi hai

Kuch hi seconds baad reply aa gaya.

Funny? Main toh bas tumhari left side wali khidki ke baare mein bata rahi hoon.

Meera ne dheere se apni left side dekhi

Khidki ka parda hawa se hil raha tha.

Uska dil zor se dhadakne laga.

The Video That Changed Everything

Dar ki vaja se Meera ne us account ko block kar diya

 do second baad uske WhatsApp par ek unknown number se message aaya.

Usme ek 10 second ki video file thi.

Video shuru hui.

Camera uske ghar ke bahar tha

Phir dheere-dheere ghar ke andar aaya.

Seedhiyon par chadha.

Last mein uske bedroom ke darwaze ke saamne ruk gaya.

Video khatam hone se pehle screen par ek line flash on hui.

Blocking me won't block the truth.

Meera ka poora sharir kaanp gaya

Usne apni best friend ko call karne ki koshish ki. But No Service.

Wi-Fi bhi band ho gya 

Ajeeb baat ye thi ki phone ki lagbhag saari app`s band ho chuki thi.

Sirf Instagram chal raha tha.

The Live Stream Horror

12:30 baje ek aur notification aaya.

Instagram Live Join Request.

Request Ananya ke account se aayi thi.

Meera ne curiosity mein accept kar liya.

Screen do part mein divide ho gayi

Ek side Meera thi.

Dusri side ek andhera kamra.

Kamre mein sirf ek ring light jal rahi thi.

Uske saamne ek aadmi baitha tha jiske chehre par Ananya ki photo wala mask laga hua tha.

Phir usne mask utaar diya.

Wo Rohan tha.

Ananya ka ex-boyfriend.

Rohan ke chehre par ajeeb si muskaan thi.

Usne camera ke saamne ek laptop ghumaya.

Laptop mein ek audio file open thi.

Naam tha:

Meera_Plan.mp3

Meera's Dark Secret

Rohan ne audio play ki.

Speaker se Meera ki awaaz sunayi di.

"Ananya roz mere deals cheen leti hai. Agar uski car ka brake fail ho jaye toh sab problem khatam ho jayegi."

Meera ka chehra safed pad gaya.

Ye recording ek private party ki thi.

Us raat Meera ne gusse aur nasha mein ye baat boli thi.

Usne kabhi nahi socha tha ki koi uski baat ko sach maan lega.

Rohan camera ki taraf dekhkar hasa.

"Tumhe laga tha main mazaak samjhunga?"

Meera ro padi.

"Rohan, maine serious mein nahi bola tha."

"Par maine serious mein le liya."

Rohan ne thande lehje mein jawab diya.

Us pal Meera ko samajh aa gaya ki Ananya ka accident shayad accident nahi tha.

The Ultimate Cancellation

Rohan ne phir kaha,

"Tum top influencer banna chahti thi. Main badla lena chahta tha. Hum dono ko jo chahiye tha, mil gaya."

Meera chee khne lagi.

"Please ye sab band karo."

Rohan sirf hasta raha.

Phir usne ek aur baat boli.

"Waise ek cheez tumne notice nahi ki."

"Kya?"

"Maine live stream kab ka band kar diya."

Meera hairan reh gayi.

"Toh phir hum baat kaise kar rahe hain?"

Rohan muskuraya.

"Video call par."

Meera ne turant apna Instagram account khola.

Uske pairon tale zameen khisak gayi.

Uska khud ka account LIVE tha.

50,000 se zyada log sab kuch dekh rahe the.

Uska rona.

Uski baatein.

Audio recording.

Sab kuch.

Comments tezi se screen par aa rahe the.

"Police ko call karo."

"Ye criminal hai."

"Justice for Ananya."

"Cancel her forever."

Meera ki poori duniya uski aankhon ke saamne toot rahi thi.

One Last Message

Achanak ghar ka darwaza zor se toot gaya.

Police andar ghus aayi.

Kisi follower ne live stream dekhkar authorities ko inform kar diya tha.

Meera ko girftar kar liya gaya.

Uska phone zameen par gir gaya.

Screen toot chuki thi.

Police use bahar le ja rahi thi tabhi phone ki screen ek baar phir chamki.

Ek naya Instagram DM aaya.

Sender:

@ananya_unfiltered

Message:

Rohan ne accident karwaya tha...

Doosri line type hui.

Lekin meri body kabhi mili hi nahi.

Message padhte hi account gayab ho gaya.

Meera ke phone ki screen puri tut chuki thi.

Aur pehli baar usse laga ki shayad sabse bada raaz abhi bhi internet par hai

The End