THE Vanishing Witness

 The Vanishing Witness

Delhi ke ek farmhouse mein subah police ko ek emergency call aati hai. Call karne wale ne bataya ki businessman Rajeev Malhotra ka uske hi farmhouse par murder ho gaya hai. Phir police aur medical team farmhouse par pahunchti hai.

Rajeev Malhotra ki dead body ko check kar rahe the.

Starting investigation karte time koi clue nahi mila. Ghar mein kisi ke ghusne ke koi nishaan bhi nahi the. Koi kemti samaan bhi chori nahi hua tha. Lag raha tha jaise murderer ko Rajeev par poora bharosa tha ya Rajeev ko us par.

Media ne is case ko highlight kar diya. Har news channel par isi murder ki baat ho rahi thi.

Police ne is cheez ko dekhte hue apni investigation aur tez kar di. Tabhi police ke paas Vivek naam ka ek aadmi aaya.

Vivek ne police ko bataya ki murder wali raat usne farmhouse ke paas ek black SUV dekhi thi. Usne gaadi mein se ek aadmi ko nikalte bhi dekha tha aur Vivek ne bola ki agar main usko dobara dekh lunga toh main pehchan lunga ki woh aadmi kaun tha.

Police ke liye yeh ek interesting baat thi.

Police ne Vivek ka statement record kiya aur usko court mein gawahi dene ko bol diya tha aur woh gawahi dene ke liye ready bhi ho gaya. Phir uske kuch hi dino mein media ne usko "Star Witness" ke naam se bolna start kar diya.

Lekin phir kuch hi din baad, court hearing ke do din pehle Vivek pata nahi kahan chala gaya.

Uska phone band tha.

Vivek ka ghar bhi lock tha.

Kisi ko uske baare mein kuch nahi pata tha.

Waise police ko uske upar pehle hi shaq tha kyunki eye-witness hamesha hi aise high-profile cases mein darr jaate hain. Police wale yeh sab cheezen roz dekhte hain, toh unko sab kuch pata rehta hai. Lekin CCTV footage mein Vivek raat ko apne apartment ke andar enter hua tha.

Lekin uske baad usko bahar jaate hue kisi ne nahi dekha.

Poore apartment ko police walon ne achhe se dekha. Basement, terrace, store rooms aur water tanks bhi check kiye. Lekin Vivek ka kuch pata nahi chala.

Jaise ki woh kahin hawa mein hi gayab ho gaya ho.

Kuch din baad jo police wala is case ko handle kar raha tha, uske email par Vivek ka ek photo aaya.

Photo mein Vivek ek railway station par khada hua tha. Photo ke peeche ek line likhi thi:

"Stop looking for me."

Is message ne investigation ko aur bhi confusing bana diya tha.

Forensic experts ne photograph ko zoom karke baar-baar dekha, but ek officer ko background mein laga ek advertisement board nazar aaya. Usne us advertisement ki photo click kari aur wahi se usko ek clue mila.

Jisse station ki location aur naam pata chal gaya.

Station ke CCTV ko dekha toh phir case mein ek mod aaya ki Vivek station par akela nahi tha.

Vivek ke saath Rajeev Malhotra ka business partner Karan Mehta bhi tha.

Ab police ka focus direct Karan par tha.

Karan ke bank records, phone calls aur company documents ki investigation start hui.

Investigators ko pata chala ki Rajeev aur Karan ke beech mahino se paison ko lekar ladai chal rahi thi. Rajeev ne company ke accounts mein kuch transactions pakdi thi jinka connection financial fraud se tha.

Police ko ab confirm hone laga tha ki Rajeev ka murder Vivek aur Karan ne hi kiya hai.

Kuch time baad police officers ne ek warehouse par raid kari. Wahan se police ko Vivek ki dead body mili.

Postmortem report ne confirm kiya ki Vivek ki death uske gayab hone ke kuch time baad hi ho gayi thi.

Saboot bas ab ek hi direction mein ja rahe the.

Phir uske kuch time baad hi police walon ne Karan ko pakad liya aur usne kuch hi time mein sab kuch sach bata diya.

Usne bataya ki murder wali raat Rajeev ne usse financial fraud ke baare mein bola aur dono ke beech behas hui. Gusse mein usne Rajeev ka murder kar diya.

Lekin Vivek ne usko wahan se nikalte hue dekh liya tha.

Isi wajah se Karan ne Vivek ko kidnap karwaya. Baad mein uska bhi murder kar diya aur investigation ko gumrah karne ke liye railway station wali photograph bhej di.

Court mein yeh case lagbhag ek saal tak chala.

CCTV footage, forensic reports, financial records aur confession ke hisaab se court ne Karan Mehta ko dono murders ka doshi paya.

Use umar kaid ki saza hui.

Case band ho gaya.