WARD NO 9

🎙️ DELETED EPISODE

True Crime Podcast — Episode 47 Ward No 9 — Yahan Se Patients Kabhi Wapas Nahi Aaye

Yeh episode March 2023 ko release hona tha. Releasing date se 6 ghante pehle true crime ki story kuch aise start hoti hai...

RADHIKA: India ke most trending crime podcast se main aap sabki host hoon, Radhika Sen. Aaj ka jo podcast hai woh thoda alag hai. Aaj main aapko ek aisi story batane wali hoon jo maine khud investigate ki hai. Pichle teen mahine se main is case ko investigate kar rahi thi. Sirf main aur mera camera. Investigation karte waqt mujhe ek file mili jo shayad mujhe kabhi nahi milni chahiye thi.

[Paper shuffle karne ki awaaz]

Toh chalte hain — Rampur ke ek General Hospital mein Ward 9.

RADHIKA: Ward no. 9. Normal hospital, normal patients. 2009 mein hua kya tha — administration ne ek naya program start kiya tha. Project ka naam tha Advanced Sleep Disorder Treatment Program. Aur Ward 9 specifically issi ke liye banaya gaya tha. Us ward mein pehle 12 logo ke liye bed the, toh usme 12 log hi select hue. Officially 12 ke 12 ghar chale gaye.

Officially — 12 mein se 12 fully recovered hokar ghar gaye. Phir Radhika ko us ward ke baare mein kuch pata chala jiske baad woh is cheez ki investigation karti hai. Aur usko unme se bas 3 log hi mil paate hain, matlab 9 logo ka koi record nahi hota.

Pehla — Dr. Farhan Qureshi. Ward 9 ka ek junior doctor 2009 mein. Woh retire ho gaya tha aur ab Lucknow mein rehta hai. Jab Radhika ne uske paas call kiya toh usne phone rakh diya. Aur jab woh usse personally milne gayi toh usne darwaza nahi khola. Jab Radhika wapas ja rahi thi toh usne khidki se awaaz di aur bola — jo tum dhundh rahi ho woh insaan nahi tha, woh koi experiment nahi tha, woh kuch aur hi tha. Tum usko bhool jao.

Doosri jo thi uska naam tha — Neha Tripathi. Ward 9 ki nurse. File mein padha tha ki woh 2011 mein ek din achanak resign dekar apne gaon chali gayi. Uska gaon Himachal Pradesh mein tha jahan internet bhi nahi tha. Radhika ne usko ek din letter likha. Aur uska reply mahine baad aaya. Usme bas ek hi line thi — woh so nahi raha tha, woh kuch sun rahe the. Aur jab unhone suna toh woh wapas nahi aaye.

Teesra tha — Rajan Malhotra. Ward 9 ka hi ek patient jo Radhika ko mila. Uski age ab 34 ke aaspaas hogi aur woh Delhi mein rehta hai. Pata nahi usko Radhika ka number kahan se mila, usne ek din khud phone kiya. Iske baad Radhika Rajan se milne uske ghar gayi. Woh ekdam normal insaan tha. Bas Radhika se baat karte waqt usne ek baar bhi apni aankh nahi jhapki. Radhika ne yeh cheez notice ki thi.

Aur usne Radhika se bola — Madam, main 2009 se soya hi nahi hoon.

Doctors ne bola ki yeh toh impossible hai, koi banda itne lambe waqt se bina soye kaise zinda reh sakta hai. Usne bola — Project Neend successful raha. Bas galti se hamein Ward no. 9 mein ek doctor mila tha jisne hamein yeh karna sikhaya. Woh kehta tha ki agar tumne sona band kar diya toh tumhari life ki productivity 40% tak badh jayegi. Usne hamein example bhi army ka diya, bol raha tha ki jab army ke soldier sote nahi hain unko koi problem nahi hoti. Toh yahi baat sochkar hum logo ne usko haan bol diya. Yeh hamari life ki ek sabse badi galti thi.

Usne phir bola — neend mein bas hamari body aaram hi nahi karti, aisi bahut si cheezein bhi karti hai jo bas hum neend mein hi kar sakte hain. Phir uske baad jab hamne sona band kiya toh woh bas hum bina soye dekhne lage.

Radhika ne jaise ki usne jawab diya — jisko koi nahi dekhna chahta.

RADHIKA: Main aapko us file ke baare mein batati hoon jo mujhe Ward 9 se mili hai. Jiske original experiment ke notes kissi ne mere paas anonymously mail par bheje the. Us file mein total 12 patients ke records the. Har patient ke baare mein saath kuch na kuch likha hua tha.

Patient 1 — maine deewarein chalti hui dekhi hain.

Patient 4 — raat ko rota hai aur tez tez bolta hai ki koi usko dekh raha hai.

Patient 7 — usne bolna band kar diya, bas likhta rehta hai ki woh aa gaya, woh aa gaya.

Patient 9 — uski aankh band nahi hoti, agar aankh band hoti toh usko aisa lagta jaise koi aa jayega.

Aur yeh sab kuch mail mein likha hua tha, itna sab kuch Radhika ko us mail se hi pata chalta hai.

Patient 12 ke baare mein kuch ajeeb cheez likhi thi, jaise ulti seedhi harkatein karna, raat bhar sona nahi, sab ko dekhkar bas hasta rehta tha. Phir ek din jab nurse usko dawaai dene gayi toh woh wahan nahi tha. Jab CCTV check kiya toh usme dekha ki raat ko 3 baje tak woh bed par hi tha. Thodi der baad woh wahan se gayab ho gaya. Camera band hua. Uske baad Patient no. 12 ka koi record nahi mila.

Radhika ne Rajan ke paas call kiya aur usko bataya ki kal episode aayega. Pehle toh usne kuch nahi bola. Phir achanak bola — Radhika ji please aaj raat ko aap so jaana. Usne poocha — tum mujhe aisa kyun bol rahe ho. Usne kaha — agar tum aaj nahi soyi toh woh tumhare paas bhi aayega. Aur main nahi chahta ki aapko bhi kuch ho hamare jaisa. Yeh bolkar Rajan ne call kaat di.

Radhika ne uski baat ko itna serious nahi liya. But Radhika us din sach mein nahi soyi, usko neend hi nahi aayi. Aur jo uske paas ek mail aayi thi usme ek audio thi. Jab usne woh audio on ki toh usme se awaaz aati hai — jaise koi bahut door khada hokar kuch bol raha ho. But usko kuch samajh nahi aata.

Usne dobara audio on ki toh usne kuch aisi awaaz suni — agli baar milenge.

Phir silence. Phir ek aur awaaz jo Radhika ki nahi thi, kissi aur ki thi, aur bahut dheere se thi. Woh audio sunte hi woh so gayi.

Us din ke baad Radhika kabhi kissi ko nahi mili. Aur yeh episode bhi kabhi release nahi hua. Yeh internet par bhi nahi hai.

Is case ke baare mein hamein bhi police investigation mein pata chala. Jab police Radhika ke apartment mein gayi toh unke laptop mein is podcast ke baare mein sab kuch likha hua tha, matlab ek alag sa folder tha Ward No 9 ke naam se. Aur Radhika ne jitna cover ho paaya usne is case mein cover kiya hua tha, jaise patients ke baare mein bataya hua tha, total 12 patients, aur last Patient no. 12 kaise gayab hua, Patient Rajan se kaise woh mili, kaise Rajan ne Radhika ko is case ke baare mein bataya. Aur jab police ne Rajan ke paas call ki toh Rajan ka number bhi switch off tha. Uske address par bhi koi nahi mila. Police ne phir hospital mein jaake investigation ki toh hospital ne bhi bola — hamare hospital mein aisa koi ward nahi hai, na koi aisa project exist karta hai.

— End —