Woh Jise Maine Kabhi Samjha Nahi (in hindi)

Ek Aisi Kahani Jo Meri Nahi Hai

Mera naam Ishita hai, but yeh story meri nahi, meri ek dost Mayra ki hai. Jiski feelings main kabhi samajh nahi paayi, aur shayad koi aur bhi nahi samajh pata uski feeling, kyunki jis kisi ne bhi sach bola hai, jiske saath aisa hua hai, wahi yeh sab samajh sakta hai, bas koi aur nahi.

Chalo ab hum aage ki story continue karte hain ki kaise marne ke baad bhi woh mujhe dikhayi deti thi, kaise mujhe woh mili, usne mujhse baat ki, meri shaadi mein bhi aayi.

Meri ek bahut achi dost thi jiska naam Mayra tha. Yeh sab kuch mujhe uski diary se pata chala jo usne marne se pehle likhi thi.

Mayra Aur Uski Confusion

Mayra ek bisexual ladki thi, woh shuru se hi confuse thi ki usko ladko ke saath rehna hai ya ladki ke saath. Jab woh school mein padhti thi toh uske aas paas saari ladkiyan hi thi, toh usko unse baat karna, unke saath rehna accha lagta tha.

But jab school complete hone ke baad usne college mein admission liya, uske baad uska ek boyfriend bana naam Arush tha. Woh uski bahut care karta tha aur kahin na kahin Mayra ne mujhe us time bataya tha ki woh dono ek dusre se shaadi karenge. Yeh sab main us time ki baat bata rahi hoon jab hum saath the.

College Mein Pehli Mulaqat

Chalo ab main aapko batati hoon hum kab mile the. Mayra mujhe college mein pehli mili thi, first day hum dono hi classes ke liye late ho gaye the. Jab se hamari dosti achi hoti gayi, mera bhi ek boyfriend tha usi college mein, aise hi hum char logon ka group ban gaya tha. Hum saath mein rehte, khate peete, enjoy karte.

Kabhi mujhe aisa laga hi nahi tha ki Mayra ko mujhse pyaar hai, kyunki woh mere saamne Arush ke saath khush rehti thi. Aur hum log trip pe bhi jaate toh alag alag room lekar rehte the, ab room ke bahar se kuch awazein bhi aati thi, woh sab sunti main aur mera boyfriend, dono hi Mayra aur Arush se majaak lete the. Woh bhi bas has deti thi yeh sab sunkar.

But uski diary padh rahi thi main, usme likha tha woh mujhse dheere dheere pyaar karne lagi thi, kyunki hum dono saath rehte the college ke hostel mein ek room mein rehna, shayad kuch zyada hi close ho gaye the iski wajah se aisa kuch hua. But mere saath aisa kuch nahi tha, kyunki main toh usko bas ek dost maanti thi, main apne boyfriend ke saath khush thi aur saath mein hum dono khush the.

But uski diary se mujhe pata chali uski mere liye feeling — do saal se hi aage thi, jiski wajah se usne apne boyfriend se bhi breakup kar liya tha. Us time maine usse poocha bhi tha ki tu breakup kyun kar rahi hai, but usne koi khaas reason nahi diya tha, kyunki main kisi ki personal life mein zyada nahi ghusna chahti thi. Agar mujhe yeh baat ussi time pata chal jaati toh shayad main usko samjha kar yeh baat wahin khatam kar deti, toh woh aaj hamare saath hoti.

Sach Saamne Aane Ke Baad

But usne mujhe yeh baat Arush se breakup lene ke baad batayi. Toh maine pehle uski baat ko majaak mein liya, has ke baat taal di. Phir usne mujhe do teen baar bataya jab mujhe laga woh mere liye serious hai, but maine usko mana kar diya tha, kyunki main apne boyfriend ke saath khush thi, mere mann mein Mayra ko lekar aisa kuch tha hi nahi.

Phir is baat ko lekar maine uska majaak banaya, main dil se aisa kuch chahti nahi thi kyunki mujhe uski feeling ki respect thi, but woh mera peecha nahi chhod rahi thi isliye mujhe aisa karna pada. Aur yeh baat college mein bhi fail gayi thi, is wajah se usne college bhi chhod diya. Maine contact karne ki koshish ki, yeh sab kuch jo bhi maine kiya tha uski wajah se, but us din ke baad se koi contact hi nahi hua.

Ajeeb Si Cheezein Hone Lagi

Phir main bhi sab kuch bhoolne lagi thi, sab kuch sahi chal raha tha, but phir mere saath kuch ajeeb si cheezein hone lagi, aisa lagta tha jaise koi mera peecha kar raha hai. Galat galat sapne aane lage jaise Mayra ka face, woh hi seen jab Mayra ne mujhe sab kuch bataya tha, woh sapna itna real lagta jaise ki woh face mere saamne hi hai.

Jab main subah so kar uthti thi toh raat ko sote time aisa lagta ki jaise Mayra mere paas hi hai, woh mujhse bol rahi hai ki main tumse pyaar karti thi but tumne meri feeling ka majaak banaya.

Wapas Milna

Phir ek din mere ghar pe ek parcel aata hai, usme kuch gift the jo hum ek dusre ko birthday par dete the, aur uske andar ek letter tha jo Mayra ke ghar ka tha. Phir yeh baat jab maine apne boyfriend ko batayi toh usne aur maine decide kiya ki humko wahan jaana chahiye. Phir jab hum wahan gaye toh humko Mayra apne ghar ke bahar khadi mili.

Usne humko dekh kar smile ki, but main usko dekhte hi rone lagi aur maine usse poocha ki tu ekdum kahan gayab ho gayi thi. Usne bola mujhe college mein sab bully karne lage the aur main yeh sab sehan nahi kar paayi, isi wajah se maine college beech mein hi chhod diya.

Phir maine usko sab bataya ki mere saath aisa aisa ho raha hai, mujhe tum nazar aati ho, aisa lagta hai jaise tum mere paas hi ho. Usne is baat ko itna serious nahi liya, bas ek smile di aur bola ki ab se aisa kuch nahi hoga. Phir maine usko bataya ki main aur Yash shaadi karne wale hain, aur tujhe hamari shaadi mein aana hai, humne usko invite kiya aur hum wahan se nikal gaye.

Woh Sach Jo Baad Mein Pata Chala

Phir hamari shaadi hui, aur shaadi mein Mayra mujhe ek baar dikhi, bas uske baad woh nahi dikhi. Shaadi mein bhi aise hi time nikalta raha, but mera mann tha ki ek baar main usse milun, aur maine decide kiya main uske ghar jaaungi, usse milungi.

Main usi address pe gayi, par wahan woh nahi thi, bas uski mummy thi. Maine unse poocha, "Aunty, Mayra kahan hai, mujhe usse milna hai." Woh rone lagi ekdum se. Maine unko chup karvaya aur unse poocha, "Aunty kya hua." Unhone mujhe bataya ki Mayra do saal pehle hi mar chuki hai, woh humko chhod kar chali gayi is duniya se.

Mayra Ki Diary

Mere toh hosh ud gaye yeh baat sunkar. Phir andar se unhone ek aur diary li, jisme likha tha ki woh buri nahi thi, ki usne kisi ka bura nahi socha, ki bas usse pyaar hua tha jo woh keh nahi paayi thi, aur jab usne kaha toh usse haske uda diya gaya, aur woh andar hi andar khud ko dosh dene lagi thi. Last page pe likha tha:

"Ishita, agar kabhi yeh diary tum tak pahunche, toh khud ko kabhi dosh mat dena. Tumne sach bola tha aur sach bolna galti nahi hoti. Main bas chahti thi tum khush raho."

Ek Sabak Jo Kabhi Nahi Bhoolungi

Yeh baat sunkar main us din bahut royi. Us din mujhe ek baat samajh aayi ki sabse bada dar bhoot nahi hota, woh baat hoti hai jo hum kisi se nahi kar paate, jo hum bas haske taal dete hain, apne mann mein baat rakh lete hain ya baat ko ignore karke jeene lagte hain.

Us din ke baad se main har saal Mayra ki yaad mein ek phool lekar jaati hoon, aur sochti hoon — kaash us raat maine sirf itna bola hota ki main tumko samajhti hoon, main tumhari feeling ko respect karti hoon. Khaas us din main hansi nahi hoti toh aaj Mayra hamare saath hoti.

The End.