Meher( in hindi & hinglish)

WOH LADKI JO SIRF TASVEERON MEIN THI

Ek Suspense Bhari Mystery Story

BACHPAN KI DOSTI

Yeh story ek ladki ki hai jo apne dost ke saath khelte-ghoomte, dono saath mein rehte the, apni life jee rahe the achhe se. Lekin ek din Meher ki life mein kuch aisa hua jo usko khud ko nahi pata tha. Toh chalo ab hum saath mein jaante hain Meher ki life mein kya hua.

UP ka ek shehar jiska naam Kanpur hai, aur Kanpur UP ki famous jagahon mein se aata hai. Usi jagah per, jo bachpan mein rehte the, dono bachpan ke achhe dost the. Ek ka naam tha Meher aur doosra tha Kabir. Dono gali mein khelte, saath mein school jaate, padhai karte, kabhi-kabhi chhoti-chhoti baaton par ladai-jhagda bhi karte the jaise do dost karte hain.

MEHER KA GAYAB HONA

Aise karte-karte time nikal gaya aur dono class 7 mein aa gaye, lekin ek din achanak se Meher ne school aana band kar diya. Kabir ko start mein laga shayad Meher bimar ho gayi hogi. Kuch din aise hi nikal gaye aur kuch hafte, aur waise din nikalte gaye, lekin Meher kabhi wapas school aayi hi nahi. Ab itne din baad Kabir ne Meher ke baare mein pata kiya jaake, toh usko pata chala Meher ke papa ka transfer ho gaya hai toh woh doosre shehar mein chale gaye hain. Ab yeh baat Kabir ko thodi ajeeb lagi, starting mein, kyunki Meher aur Kabir ki bonding itni achhi thi ki agar kuch bhi baat hoti thi, Meher Kabir ko zaroor bataati thi. Lekin phir time nikalta gaya aise hi, toh Kabir ne is baat par zyada dhyan nahi diya. But kahin na kahin woh abhi bhi Meher ko miss karta tha.

ANGAD KA AANA

Ab saalon baad Kabir ek freelance photographer ban gaya tha, photos click karta logon ki aur apni side income generate karta usse. Aise hi ek din Kabir ke paas ek aadmi aaya jisne apna naam Angad bataya. Usne ek purani album nikali aur usme ek purani photo thi jo ki kisi aur ki nahi, khud Meher ki thi. Pehle toh Kabir ne woh photo dhyan se dekhi, phir usko shock laga ki yeh shayad Meher hi hai. Jo insaan woh photo leke aaya tha usne usse poocha ki "Yeh toh Meher hai na?" Usne bola "Haan, yeh Meher hai aur main uska father hoon." Kabir yeh baat sunkar shocked hua kyunki woh uske father ko achhe se jaanta tha, kyunki bachpan mein woh milta tha, aur Kabir ko Meher ke asli father ka naam bhi yaad tha, Mr. Kapoor. Lekin Kabir ne us time toh kuch nahi kaha, bas album le li aur kaam karne laga. Lekin uske dimaag mein ek sawaal baar-baar aa raha tha ki yeh aadmi Meher ko kaise jaanta hai.

KABIR KA SHAK

Kabir jab album dekh raha tha, toh waha per usko ek photo mili jo kaafi time pehle khichi thi, jo kisi aur ki nahi, khud Angad ki thi. Yeh sab kuch dekh kar Kabir ko shak hua, toh woh Meher ke purane ghar gaya, uske padosiyon se milne. Jab usko pata chala ki Meher ke father ka koi transfer nahi hua tha, jisne bhi yeh baat usko bataayi thi woh ek fake story thi. Kabir ko dhire-dhire jab samajh mein aaya ki Meher gayab is liye hui thi kyunki usko kidnap kiya gaya tha, aur kidnap karne wala insaan koi aur nahi, khud Angad hi tha. Lekin abhi tak iska koi proof nahi tha Kabir ke paas jisse woh Meher ka pata laga sake aur Angad ko police station mein arrest karwa sake. But usse pehle, Kabir police ke paas na jaake apne dost Rohit ke paas gaya, jo ki ek journalist tha jo crime beat ko cover karta tha aur uske liye official records tak pahunchna bhi aasaan hota tha.

ASLI PARENTS TAK PAHUNCH

Ab Kabir ne usko sab bataya, toh yeh kaam karne ke liye Rohit ready ho gaya. Dono sabse pehle school poochhe, kuch purane records lene ke liye, waha se unko Meher ke asli parents ka pata chala, Mr. aur Mrs. Kapoor ka address, Kanpur se kaafi door tha. But dono waha per gaye, ab badi mushkil se unko unka ghar mila. Mr. Kapoor ne apne ghar ke paas hi ek shop open ki hui thi, bas woh wahi per kaam karte aur apni life aise hi jee rahe the. Jab Kabir waha poochha, toh pehle dono usko dekh kar dare ki yeh yaha par humare paas tak kaise pahuncha, phir unko laga shayad koi buri khabar leke aaya hoga. But unhone Kabir ko pehchaan liya tha, phir Kabir ne unko sab kuch bataya Angad ke baare mein, ki kaise woh uske paas photo lekar aaya, aur baaki sab jo jo usko pata chala.

Bas itna sab sunkar Mrs. Kapoor rone lagi, yeh sunkar ki Meher abhi bhi zinda hai, kyunki jab woh kahin rishtedaari mein gaye the, us din ek aadmi ne unko bataya tha ki Meher ki ek din pehle nadi mein doobkar death ho chuki hai. Unhone Meher ko dhoondha tha but woh kabhi nahi mili kisi ko, toh Mr. aur Mrs. Kapoor ne bhi yeh maan liya tha ki woh mar gayi hai. Aur Kabir ne unko jab Angad ki photo dikhayi, toh Kapoor family ne usko pehchaan liya aur bola ki yeh hi aadmi tha jisne humko us din Meher ke baare mein bataya tha.

POLICE TAK PAHUNCH

Ab itna sab sunne ke baad, aur raat bhar baatein karne ke baad, sabne decide kiya ki hum log Meher ko dhoondhenge aur Angad ko jail bhijwayenge. Ab sab, Kabir, Rohit aur Mr. aur Mrs. Kapoor, saare evidences jod kar police station gaye, wahi sab photo jisme Angad ka chehra saaf dikhta tha, aur unhone police ko yeh bhi bataya ki Meher unki hi beti hai. Phir police ne woh file dobara open ki jo kai saal pehle band ho chuki thi. Aur ab sabki madad aur Kabir ki digital evidence ki wajah se investigation tezi se aage badhi. Angad ka purana address fake nikla, lekin police ne apne resources se pata lagaya ki Angad ek doosre naam se kisi doosre mohalle mein reh raha tha. Jab police, Kabir aur Mr. Kapoor us jagah pahunche, toh ghar bilkul khaali tha, jaise Angad ko pehle se pata tha ki koi uska peechha kar raha hai. Padosiyon ne bataya ki woh aadmi kisi se zyada baat nahi karta tha, kam bolta tha, aur kabhi-kabhi raat ko ek ladki ki awaaz aati thi ghar se, rone ki ya shayad, but kisi ko confirm kuch nahi pata tha.

ANGAD KA CALL

Ab us raat Kabir ke paas ek call aaya unknown number se. "Tumne meri zindagi barbaad kar di, tumko nahi pata tumne yeh kitni badi galti kari hai." Aur yeh call karne wala koi aur aadmi nahi, balki Angad khud hi tha. Kabir ek baar ko darr gaya tha, lekin usne himmat karke usse poocha, "Bas mujhe itna bata de, Meher kaha hai, woh zinda hai ya nahi?" Angad ne tez awaaz mein bola ki "Mujhe khud nahi pata woh kaha hai, woh kuch mahine pehle mere paas se bhaag gayi hai, main khud usko dhoondh raha hoon. Main tumhare paas is liye aaya tha kyunki mujhe laga woh tumhare saath hi hai."

Ab Kabir ne call record karke police ko di. Police ne apna network use karke Angad ki location trace ki, aur do din baad use ek railway station ke paas se giraftar kar liya gaya.

ANGAD KA SACH

Ghanton ki poochtaach ke baad Angad ne aakhir sach bataya ki usne Meher ko 2009 mein kidnap kiya tha. Angad ne Meher ko kai saal apne paas rakha, lekin kuch mahine pehle Meher mauka dekh kar bhaag gayi thi, aur tabse Angad khud usko dhoondh raha tha. Angad ne kabhi kisi ko kuch nahi bataya, is darr ki wajah se, agar woh kisi ko kuch bata dega toh pakda jayega. Police ne apni taraf se Meher ko dhoondhna start kiya, sab jagah Meher ki photos di sabko. Toh kuch time baad police ko khabar milti hai, Kanpur se door Nagpur mein ek NGO shelter hai.

SHELTER MEIN MEHER

Ek subah waha ke shelter walon ko railway station ke paas ek ladki milti hai, jaise usne kaafi time se kuch khaya-piya na ho, matlab uski halat theek nahi thi. Aur Meher ko kuch yaad nahi tha, na apna naam yaad tha, na ghar ka pata, sirf itna keh paa rahi thi ki "Mujhe bhaagna hai, mujhe bhaagna hai." Uski body par purane zakhmon ke nishaan the, aur uski maansik halat bhi theek nahi thi. Doctors ne bataya use severe trauma aur dissociative amnesia hai, yaani uska dimaag khud apni yaadon ko bhula chuka tha, khud ko bachaane ke liye.

Shelter walon ne Meher ko ek naya naam diya tha, "Radha", kyunki usse khud apna naam yaad nahi tha, aur unhone use dhire-dhire normal zindagi mein wapas laane ki koshish ki. Pichhle do mahino se woh usi shelter mein rehti thi, silai-kadhai training le rahi thi, ek chhoti si tailoring unit mein kaam karti thi jo shelter khud chalata tha. Ab Radha aur Meher ki age same thi, aur shelter ne jab yeh news padhi toh unhone khud police se contact kiya aur unko sab bataya. Police ne Mr. aur Mrs. Kapoor ko bulaya. DNA test karwaya gaya, samples Meher ke asli maa-baap se liye gaye. Angad ka toh koi biological connection tha hi nahi, isliye uska test kisi kaam ka nahi tha. Aur teen hafte ka wait karne ke baad result aaya.

Woh Meher thi.

REUNION

Kabir jab pehli baar usse milne gaya, saath mein Mr. aur Mrs. Kapoor bhi the. Meher ne shuru mein kisi ko pehchana nahi, lekin jab Kabir ne bachpan ke unke school ki, unki cycle race ki baatein bataayi, toh Meher ko jab jaake sab yaad aaya, aur woh Mr. aur Mrs. Kapoor ko dekh kar rone lagi, aur dono hi ro rahe the. Aise karke Meher ko apne asli parents wapas mile, aur Kabir ko apna bachpan ka dost. Meher ab apne asli parents ke paas wapas laut aayi thi. Angad Thakur ko umar-qaid ki saza sunayi gayi.

Agar aapko ye kahani pasand aayi toh COMICDARKFILE ke WhatsApp Channel ko join karna na bhoolein, aur agli khaufnaak kahani ke liye judte rahiye.