railway station (in hindi & hinglish)

Raat Ke 12:47 Wali Train, Jisme Sawar Hokar Koi Wapas Nahi Aata

Ek Khaufnaak Hindi Horror Story (in hindi & hinglish)

Purana Station

Madhya Pradesh ke ek chhote se shehar ke paas ek purana railway station hai jo ki kai saal se band hai. Government ne kai saal pehle is station ko hamesha ke liye band kar diya, aur uski jagah waha se kuch door ek naya railway station khol diya. Aisa kaha jaata hai ki purane railway station par ek bahut bura accident hua tha, jiski wajah se usko band kiya gaya. Is accident ke baare mein hum aage jaanenge ki asal mein kya hua tha jo government ko yeh station band karna pada.

Is purane station ka naam Kaalipur tha. Station bhi bada ganda ho gaya tha, pure mein dhool hi dhool, train ki patri par ghaas ug gayi thi badi-badi, station master ka kamra dhool se bhar gaya tha. Is station ke baare mein aisa kaha jaata hai ki yaha par aaj bhi ek purani wahi train aati hai, theek 12:50 baje, jiska kuch saal pehle accident ho gaya tha.

Teen Dosto Ka Plan

Delhi shehar se 3 dost yeh kahani sunte hain, aur bolte hain yeh kaise possible hai. Gaon ke logon ka yeh bhi kehna tha ki agar tumne woh train dekhi, aur kisi apne ne tumko us train mein bulaya aur tum usme chadh gaye, aur subah tak wapas nahi aaye, toh kabhi nahi aaoge. Lekin un teeno ko yeh bas dadi-nani ki kahani lagti thi.

Toh teeno plan banate hain ki hum waha par jaayenge aur us pure scene ka blog banayenge, ki yeh kaise possible hi nahi ho sakta hai, yeh bas ek kahani hai. Ab woh nikalte hain Delhi se station ke liye, aur kuch ghanton mein raat ko us station ke paas pahunch gaye, karib raat ke 11 baje rahe the. Ab purane railway station ke paas unko koi hotel toh mila nahi, toh teeno ne socha aaj raat hum log issi station par stay karenge aur dekhenge ki is kahani mein kitni sachai hai.

Uncle Ki Chetavani

Jabhi station par unko ek uncle milte hain. Us uncle ne inko bola bhi tha ki "Beta, tum yaha par mat ruko, yeh jagah rukne wali nahi hai. Yaha par ek train aati hai, aur woh tumko bulati hai. Agar tum usme chale gaye toh wapas nahi aaoge." Lekin yeh log kaha us uncle ki baat sunne wale the, unko toh ulta jaanna tha ki is duniya mein bhi aisa hota hai kya, jis train ka pehle accident ho gaya tha woh kaise chal sakti hai.

Ab main aapko bataata hoon us train mein kya hua tha. Maine starting mein bola tha aapko ki story ke beech mein aapko sab bataunga. Hua yeh tha, train station par pahunchti thi 12:50 baje, aaj se bahut saal pehle, lekin next station par jaati hi nahi thi, beech mein hi train ka accident ho jaata tha aur puri ki puri train jal jaati thi. Us waqt ka yeh ek bahut khatarnak accident tha, bataya gaya tha ki 40 se 45 logon ki maut ho gayi is accident ke dauran.

Sameer Ki Maa

Ab in teeno mein se ek ladka tha, Sameer naam ka. Us waqt hi uski maa ki bhi death hui thi, lekin Sameer chhota tha toh usko kisi ne yeh baat nahi bataayi thi ki uski maa kyun maari gayi thi. Ab aise hi un logon ko station par wait karte-karte 12:30 ho gaye the. Sameer hi bolta hai unko ki "Chalo, train aane wali hai, uske paas chalte hain, yeh sahi kahani hai ya nahi." Ritu ne unko mana kiya ki "Yaar, rehne dete hain, content ke chakkar mein apni jaan kyun gawaani, kahin yeh kahani asli hui toh." Lekin Nikhil aur Sameer nahi maane. Ab Ritu ke paas bhi koi raasta nahi bacha tha, usko inke saath jaana hi pada. Ab poore station par teeno hi khade the, apne-apne phone ki torch on karke, aur doosre haath mein camera tha jisse unko woh vlog banana tha.

Train Ka Aana

Ab jaise hi time hua 12:50, unhone dekha station par sach mein ek train aayi, jo jang khaayi hui, kitni purani train hai jaisi lag rahi thi. Yeh itna dekhte hi teeno dar gaye. Ab Nikhil aur Ritu toh dar gaye, lekin Sameer jo starting se hi adventurous tha, woh bahut zyada excited tha us train mein jaane ke liye. Lekin woh dono usko mana kar rahe the ki "Yaar mat ja, yeh khatarnak hai, jo gaon ke logon ne hamko bataya woh sab kuch bilkul sahi ho raha hai."

Ab train station par rukti hai, usme log baithe the, lekin kisi ka chehra saaf nahi dikh raha tha. Ab itne mein Sameer ko us train mein se apni mummy ki awaaz aati hai, jaise woh usko awaaz laga kar bula rahi hai aur bol rahi hai ki "Beta, mujhe bacha le, yaha se nikalna hai, warna main mar jaungi." Bas itna sunkar woh train ki taraf bhaag gaya aur usme chadh gaya. Lekin Nikhil aur Ritu wahi the, aur Sameer ke andar ghuste hi gate band ho gaye aur train chal padi. Nikhil aur Ritu bhaage waha.

Andar Ki Duniya

Ab un dono ne us uncle ko dhoondhna start kiya jisne unko starting mein hi andar jaane ke liye mana kiya tha, lekin itni jaldi woh uncle milne wala nahi tha. Lekin un dono ne haar nahi maani, woh usko dhoondh rahe the.

Wahi doosri side Sameer ko train mein chadhte hi aisa laga ki shayad usne iske andar aake bahut galat kiya. Woh train ki seatein jo bahar se khaali ya dhundli dikh rahi thi, ab un par log baithe the aur unki body ki halat bahut kharab thi, jaise unka issi train mein accident hua ho. Kisi ke haath mein chot thi toh kisi ke sar par, kaafi log ghayal bhi hue the. Ab usko ek awaaz sunayi aayi ki "Beta tu yaha par kyun aaya?"

Wahi awaaz phir se usko sunayi di ki "Beta, agar tu agli subah yaha se wapas nahi gaya toh tu meri tarah is train mein hi reh jayega, terko yaha se nikalna hi hoga kisi bhi haalat mein." Aur jab usne peeche mudkar dekha, toh woh koi aur nahi, Sameer ki woh maa hi thi, jiski death issi train ke accident mein hui thi.

Maa Ki Chetavani

Sameer ko jabhi ek baat bataayi ki "Beta, yaha se nikalne ka ek raasta hai, ab terko woh raasta dhoondhna hai aur subah tak waha se bahar nikalna. Aur is dauran terko bahut si cheezein dikhengi jo jo tere saath peeche saalon hua hoga, lekin un par dhyan nahi dena, terko bas raasta dhoondhna hai." Bas itna bolkar uski maa gayab ho gayi. Sameer ko apni maa se hi baat karne ka mauka nahi mila.

Ab poore train mein Sameer aur wahi log the, jo Sameer ko bahar jaane nahi dena chahte the, lekin woh usko touch nahi kar sakte the, yeh baat bas unko pata thi, Sameer ko nahi. Woh jabhi unse darr raha tha. Ab woh jaise-jaise us bahar jaane ke raaste ke paas aaye, usse woh saari apni galtiyan dikhne lagi jo jo usne ki thi bachpan se lekar bade hone tak.

Jaise jab woh school jaata, uski kabhi ladai hui thi, toh jo bacha tha usko bahut chot aayi thi, toh Sameer dekhta hai us waqt woh bacha uske saamne aata hai aur usse bolta hai, "Tune meri life kharab kar di, tune mujhko itna maara, usse mera haath toot gaya, jiski wajah se main exam nahi de paaya aur main fail ho gaya tha." Aur us waqt us ladke ne khud ko nuksaan pahunchane ki koshish ki thi, lekin woh bach gaya, but phir bhi woh usse aake bolta "Teri wajah se meri life kharab hui." Aise hi usne college time par ek ladki, jo usko pasand karti thi, uska naam Naziya tha, jab Sameer ne uska mazaak udaya tha is cheez ko lekar, toh sab dikhne laga aur bhi bahut si cheezein dikh rahi thi usko.

Bahar Nikalne Ki Koshish

Ab yeh sab kuch dekh kar Sameer ki saans phoolne lagi. Jo wahi log train mein baithe the, woh sab bhi uske paas aane lage, usko rok rahe the bahar jaane se, kyunki train aisa hi karti thi, tumko tumhare past ki galtiyan dikhti thi saari aur tumko bahar jaane se rokti thi. Lekin Sameer ne haar nahi maani, usko apni mummy ki woh sab baatein yaad thi jo jo unhone usse boli thi ki "Beta, terko bas woh darwaza dhoondhna hai, in sab baaton par dhyan nahi dena, kyunki train aapka dhyan bhatkati hai."

Ab bas Sameer ke dimaag mein apni mummy ki baat, aur wahi dost the jinke saath woh yaha par aaya tha, Ritu aur Nikhil, bas woh unke saath ka woh time yaad karne laga ki kaise woh teeno college saath jaate the, kaise roz canteen mein jaake khana khate aur haste the, ek doosre ka mazaak udaate the. Wahi baahar Nikhil aur Ritu ke paas is baat ka koi idea nahi tha ki Sameer ke man mein kya chal raha tha. Woh bas itna jaante the ki train unke saamne se gayab ho gayi thi aur Sameer bhi.

Police Aur Jaanch

Ab Ritu aur Nikhil ne subah hote hi police ko bulaya aur unko sab kuch bataya. Jab police waha par check karne gayi, toh unko bas Sameer ka phone mila, aur phone mein bas ek kal raat ki photo thi jo un teeno ne saath mein click ki thi. Photo ke andar bhi bas Ritu aur Nikhil hi the, Sameer gayab tha, jabki un dono ko achhe se yaad hai ki photo teeno ne saath mein click ki thi, lekin frame mein woh nahi tha.

Ab itna sab hone ke baad Nikhil ne us aadmi ko dobara dhoondha aur usse poocha ki "Mera dost us train mein chadh gaya hai, kya ab woh wapas aayega?" Us uncle ne bas ek hi baat boli, "Woh aayega, lekin yeh confirm nahi hai ki yeh tarika kaam hi karega. Aisa maine suna hai ki kuch saal pehle bhi aisa hi kuch hua tha station par, toh jab train aane se pehle jo insaan usme gaya tha, agar uska naam sachche mann se pukare, toh woh wapas aa jaata hai. Yeh naam teen baar tez-tez pukarna hota hai."

Dobara Station Par

Ab Nikhil aur Ritu ke paas aur koi raasta nahi bacha tha Sameer ko wapas laane ka. Dono ne decide kiya ki hum bhi aisa hi karenge, train aane se pehle hum raat ko dobara se ussi station par jaayenge. Agli raat 12:40 baje dono wapas Kaalipur station par pahunche, Sameer ki ek photo haath mein liye hue.

Ab jaise hi train aane ka time hua, toh dono ne tez se teen baar naam chillaya, "Sameer! Sameer! Sameer!" Train ruki apne time se. Ritu aur Nikhil ne window se Sameer ko dekha, aisa lag raha tha woh kitna pareshan hai, ya jaise woh kisi ke kabze mein ho. Phir bhi Sameer ne himmat ki aur gate par aaya. Yaha Nikhil bhaag kar uske paas gaya, aur jaise hi darwaza band hone wala tha, jabhi usne Sameer ka haath khinch liya aur bahar nikal gaya.

Sameer Ki Vaapsi

Lekin jab Sameer waha se bahar aaya, toh woh hosh mein nahi tha. Kuch time baad usko hosh aaya aur usne dekha uske dost uske paas hai. Phir Sameer ko gaon le jaya gaya, usse poochha ki "Kal train mein kya hua tumhare saath, tumne kya dekha?" Tab usne bataya ki "Mujhko sab kuch yaad nahi, lekin waha par wahi log baithe the jinka accident hua tha, aur meri maa waha par aayi mere saamne, unhone mujhse baat ki, jo mere liye best part tha. Mere andar jo bhi himmat aayi bahar jaane ki, woh apni maa ki wajah se thi."

Teeno ne apne phone mein woh video check ki jo unhone record ki thi, toh unke phone mein aisa kuch nahi tha, matlab unka kehna yeh tha ki sab kuch unke paas se apne aap delete ho gaya. Ab teeno dosto ne is ghatna ke baare mein kabhi baat na karne ke baare mein decide kiya, aur jab bhi koi unse poochhta us raat ke baare mein, toh waha se uth jaate ya woh topic change kar dete the.

Aaj bhi log Kaalipur station ke baare mein baat karte hain ki jab bhi 12:50 par agar aapko koi train aate dikhe, toh bas station se jitna door ho sake ho jaana, bina kuch socha-samjhe kabhi waha par mat jaana.

Agar aapko ye kahani pasand aayi toh COMICDARKFILE ke WhatsApp Channel ko join karna na bhoolein, aur agli khaufnaak kahani ke liye judte rahiye.